Blagur Awen Ben Bowen/Elizabeth Ann Isaac, Pentre

← William Bowen, Cefncaeau, Llanelli (2)

Blagur Awen Ben Bowen

gan David Bowen (Myfyr Hefin)

ER COF AM ELIZABETH ANN ISAAC, PENTRE.

Ow beth sydd? Elizabeth syw,—y fun
Hyfwynaf, ddiledryw,
A gwir addien, geir heddyw
Yn y bedd heb hoenau byw.

Ym Moriah mor hoyw—heb wg croes.
Bu'n byw Crist, a'i gloyw
Fuchedd llon sydd dirion dw'—drwy y wlad
Yn der eneiniad i'w heirian enw.

Aneisior ddynes, hoyw, arddunol,
Fu'n wers i'r annuw mewn bywyd duwiol;
Ei hysbryd addas a'i naws brydweddol
Oedd drwy'i holl ddyddiau'n llawn nwyfau nefol;
Yn iesin deil ei rhiniol—goffâd hi
I'n bro ddiwyrni yn bur—addurnol.

Nwyf hylon o nefoledd—yn uniawn
Goronodd ei buchedd;
Mae hi'n awr yn mwynhau hedd.
Gwiw geinion y gogonedd.

Ei berr oes drwy bob croesau—yn drylwyr
Dreuliodd mewn nef olau;
Dybenodd ei du boenau
O donn haf glyd y Nef glâu.

Er colli llwyr ferch ddillyn—a odiaeth;
Riaint! Peidiwch achwyn;
I oror glau, aeth drwy'r glyn
O alaeth, at aur delyn.

Ac yn y nef canu wna—eich Lizzie
Uwch loesion a thraha,
Ac mewn hedd na ddiwedda,—â hoen rhydd,
Y dihefelydd Geidwad a fola.
1893.

Nodiadau