Blagur Awen Ben Bowen/Gardd Eden

← Gobaith

Blagur Awen Ben Bowen gan David Bowen (Myfyr Hefin)

Pethau wn →

GARDD EDEN.

MAE lili'r maes fan draw dan lygad Crist
Yn gennad Cariad Duw at ddaear drist;
Mae hedd cyfrinion Nef yn swn y gwynt
Yn chwythu lle y mynno ar ei hynt.

Y llygad welodd Duw yn llanw'r byd,
A gwanwyn o lawenydd wel mor ddrud,
Yw lleddfu cri cydwybod euog dyn,
A'i llanw â cherdd lawenydd Nef ei hun.

Mae'r bywyd sydd yn falm holl glwyfau'r byd
Yn darddle holl hyfrydwch dyn o hyd,—
Yn plethu holl ofynion Duw yn gân
I'n tynnu 'mlaen i wynfa'r Bywyd Glân.

Y mae gorfoledd Duw wrth greu y byd
Yn etifeddiaeth dyn wrth fyw o hyd.

(Codwyd o MSS. "Gardd Eden")