Blagur Awen Ben Bowen/Gobaith

Blagur Awen Ben Bowen

gan David Bowen (Myfyr Hefin)

GOBAITH.

MOSES erbyn pob anialwch,
Caleb wedyn leinw'i le,
Geidw esmwyth dyner heddwch
Yn rhagluniaeth dlos y ne';
Dull pedwerydd ym mhob ffwrnes,
Angel yn y ffau o hyd
Yw dy gwmni, Obaith tyner,
Inni ar ein taith trwy'r byd.
Ym mhob gaeaf, haf a'i wenau
Welwn oll yn dod o draw;
Os ŷm weithiau'n "hau mewn dagrau,"
Medi mewn llawenydd ddaw;

Ym mhob Gethsemane dywell
Byth fel angel gwyn wrth law;
Ac yng ngwydd Calfaria hefyd
Yn yr anrhaethadwy loes,
Rhywun geir o hyd yn aros,
Safai'r gwragedd wrth y groes."
Swyn dy flodau-lwybrau harddant
Hedd-freuddwydion calon merch,
I "baradwys y priodi,"
Rhodio dan enfysau serch.
1893.

Nodiadau