Blagur y Gwanwyn a Chaneuon Ereill/Y Gwerinwr

← Y Gaeaf yn y Cwm

Blagur y Gwanwyn a Chaneuon Ereill gan William J Richards

Wedi'r Angladd →

Y GWERINWR.

RHWNG bannau oer ei faboed
Bu'n trin yr erwau llwm
Ym mhell cyn dyddiau henoed
Fe aeth ei gefn yn grwm.

Diwylliodd hwn ei hunan
Er trymed croesau'r daith,
A chafodd Cymru gyfan
Y mêl wrth fedi'r gwaith.

Pob parch i'r prif ysgolion
A gwerth eu graddau drud;
Mae Duw yn yr encilion
Yn meithrin plant o hyd.

Rhwng bannau oer ei faboed
Bu'n nôd i lawer clwy',
Er mynd cyn dyddiau henoed
I'r bedd yn arch y plwy.

Fy Nghymru lân ganfyddaf
Yn porthi balchter ffawd,
A'i chymwynasydd pennaf
Yn mynd i'r bedd yn dlawd.

1927.