Blagur y Gwanwyn a Chaneuon Ereill/Y Stori
| ← Fin Hwyr | Blagur y Gwanwyn a Chaneuon Ereill gan William J Richards |
Murmuron Atgo → |
Y 'STORI.
DYWEDWCH im y stori
Am Iesu'r dwyfol Aer,
Yn dewis y tylodi
A gaed yng nghoty'r saer.
Ystori dlos y preseb,
A'i eni yn y gwair,
Etifedd tragwyddoldeb
Yn sugno bronnau Mair.
Dywedwch stori'r bradwr,
Ac ingoedd Calfari,
Mae cariad y Gwaredwr
Yn tanio f'enaid i.
Os gwelir fi heb bechod.
Wrth orsedd wen yr Aer,
Rhyfeddod pob rhyfeddod
Fydd stori coty'r saer.
1928.