Caneuon Mynyddog/O na bawn i gartref

← Y Gân â ganai Betsi

Caneuon Mynyddog gan Richard Davies (Mynyddog)

Y Ffynon →

O NA BAWN I GARTREF.
ALAW:—"The last Rose of Summer."

O NA bawn i gartref ar aelwyd fy nhad,
Yn lle bod fel alltud yn mhell o fy ngwlad;
Lle treuliwn foreuddydd fy einioes yn llon
Heb ofid na hiraeth, yn ysgafn fy mron.

'N ol chwarau boreuddydd fy einioes i gyd,
Newidiodd y chwarau am ofal y byd;
Ymguddiodd haul dysglaer boreuddydd fy oes
Tu ol i gymylau o drallod a loes

R oedd awyr boreuddydd fy einioes yn glir,
Ond Ow! ni pharhaodd fy heulwen yn hir;
Daeth 'stormydd o ofid i hulio fy nen,
Mae rhei'ny'n ymdywallt o hyd am fy mhen.

Pan fyddwyf yn cefnu ar ofid a loes,
Boed f' awyr yn ddysglaer fel borau fy oes,
Terfyngylch fy hwyrddydd fo'n olau pryd hyn
A'i belydr yn cyraedd gwaelodion y glyn.