Caneuon Mynyddog/Yr Eneth ar y bedd

Caneuon Mynyddog

gan Richard Davies (Mynyddog)

YR ENETH AR Y BEDD.
ALAW:—"Annie Lisle."

DAN yr Ywen dewfrig gauad
Ar dywarchen lwys,
Gwelais eneth fach amddifad
Yn och'neidio'n ddwys,
Ebai'r fechan, "Dyma'r beddrod
Lle mae 'm rhiaint cu,"
Ond o ganol loes a thrallod
Codai 'i golwg fry; —
D'wedai'r awel dyner, denau,
Yn yr Yw uwch ben;
Nid oes galar na gofidiau
Yn y nefoedd wen.

Hiraeth wthiai'r dagrau gloewon
Dros ei gruddiau mad,
Yn y beddrod'r oedd ei chalon
Gyda 'i mam a'i thad;
Môr o dristwch ydyw'r ddaear,
Mwy i'r eneth gu,
Ond o ganol tònau galar
Codai 'i golwg fry;
D'wedai'r awel, &c.
"O na allwn wylo 'nghalon,"
Ebai'r eneth gu,

"Fel bo ' nagrau'n berlau gloewon
Ar y beddrod du:
Nid yw'nhad a mam yn wylo
Yn y nefoedd wiw,
Ac mae'r Iesu anwyl yno,—
Tad amddifaid yw:"—
D'wedai'r awel dyner denau, &c.

Nodiadau