Caniadau (T. Gwynn Jones)/Gwir a Gau

← Bywyd

Caniadau (T. Gwynn Jones) gan Thomas Gwynn Jones

Dirgelwch →

GWIR A GAU

O dywedi'r gwir didwyll,
Dywed byd nad da dy bwyll.

Oni ŵyr pawb mai gwir pur
Yw popeth fo'n y papur?

Y bryntaf peth a brintir,
Coelia. Nid gwaeth cael nad gwir.

Ofer goel, neu fawr gelwydd,
Coel o fath nas coeli fydd.

E geir Gwell, mewn gwir a gau,
Beth, ai gair, byth, yw Gorau?

O leihau'r bai, gloywir byd,
Heblaw'r bai, b'le'r ai bywyd?

Yn nulliau dyn ni ellir,
Heb rifo ar y gau brofi'r gwir.