Cathlau Bore a Nawn/Edrych i fyny

← Dyfnder a eilw ar Ddyfnder

Cathlau Bore a Nawn gan Owen Griffith Owen (Alafon)

Rhaid iddo Ef gynyddu →

EDRYCH I FYNY.
(Ysgrifenwyd yn Album geneth 18 oed, orweddiog er yn blentyn.)

PAN deimli dy galon yn isel a gwan,
Pan deimli dy hoen yn pallu,
Cofia pa le mae dy nerth a dy ran:
Edrych, edrych i fyny.

Pan ddelo'r tywyllwch o'th gylch i ymgau,
A'r nos i roi taw ar dy ganu,
Dal i obeithio: mae'r wawr yn nesau:
Edrych, edrych i fyny."

Prudd, prudd yw caethiwed, a'r awydd yn gref
Am ryddid a gwaith; ond er hynny
Cystudd sydd fantais i weled y nef:
Edrych, edrych i fyny.