Cathlau Bore a Nawn/Henry Richard

← Ben Bowen

Cathlau Bore a Nawn gan Owen Griffith Owen (Alafon)

Molawd Gwlad y Gorllewin →

HENRY RICHARD.

NID rhyfedd fod dy bryd yn drist, fy ngwlad,
A'th ddagrau'n disgyn ar y tywyll fedd
A gudd weledig ran "apostol hedd,"
Fu'n dal ei darian rhyngot a sarhad,
Wnaeth fwy na llu i ennill it' fawrhad
Ag aidd a grym a geisiai siglo sedd
Duw rhyfel, a gwarthnodi swydd y cledd,
Dyn oedd i'r gwan ym mhobman megis tad.
Ond na lwfrhã, er gorfod wylo'n hir,
Mae'th wron er ei guddio eto'n fyw:
Ei ysbryd draidd yn ynni trwy dy dir;
Ehêd ei eiriau beunydd i dy glyw;
Ca'i egwyddorion fuddugoliaeth glir:
O'u plaid mae nerth trag'wyddol orsedd Duw.