Ceir dihangfa rhag marwolaeth
| ← Eheded iechydwriaeth | Ceir dihangfa rhag marwolaeth gan William Williams (Caledfryn) |
Pam, O! pam, bechadur cyndyn → |
| Mynegai Llyfr Emynau y Methodistiaid Calfinaidd a Wesleaidd 1930 |
302[1] Trwy Waed yr Oen.
84. 84. 8884.
1 CEIR dihangfa rhag marwolaeth
Trwy waed yr Oen;
Nid oes ffordd o waredigaeth
Ond gwaed yr Oen;
Gwelir miloedd wedi eu golchi
Draw yn glanio ar dir goleuni,
Heb frycheuyn, chwaith na chrychni,
Trwy waed yr Oen.
2 Fe agorwyd ffordd gyfreithlon
Trwy waed yr Oen,
I ryddhau troseddwyr caethion,
Trwy waed yr Oen;
Haleliwia byth heb dewi
Fydd y gân yng ngwlad goleuni,
Gan y dyrfa ddirifedi,
Am waed yr Oen.
3 Wedi cael eu gynau'n wynion,
Trwy waed yr Oen,
Cael yr hedd, y wledd, a'r goron,
Trwy waed yr Oen,
Peraidd bynciant Haleliwia
Am yr Iawn roed ar Galfaria:
Cofiant byth am eu dihangfa
Trwy waed yr Oen.
William Williams (Caledfryn)
Ffynhonnell
[golygu]- ↑ Emyn rhif 302, Llyfr Emynau y Methodistiaid Calfinaidd a Wesleaidd 1930