Cerddi Edern a Cherddi Eraill/Coedwig Hydref

← Cywydd Mis Mehefin

Cerddi Edern a Cherddi Eraill gan John Glyn Davies

Llythyrau Morgan Davies →

COEDWIG HYDREF

Yn agoshau mae'r gaeaf,
a gorphen mae heulwen haf,
gwywo mae cnwd y gwiail
a derfydd dydd rhwysg y dail.

Y dail fu gyneu'n delaid,
yn madru'n llu yn y llaid;
awel braf haf fu'n amlhau
y dail hyn yn delynau.

Aeth gwylan wen o'r glenydd
draw i'r wlad ar doriad dydd,
ond er gwened hardded yw,
cenhades drycin ydyw.

Gyr drycin y gwynt miniog
i chwalu'r tai garai'r gog,
a phob cangen felen fydd
yn sturmant i'r ystormydd.

Llanbadarn, Hydref, 1900.