Cerddi Edern a Cherddi Eraill/Nos Iau yn y Seiad

← Nilig

Cerddi Edern a Cherddi Eraill gan John Glyn Davies

Rhyd y Bedd →

NOS IAU YN Y SEIAD

Gyda phrydydd ar ddydd Iau yn ei gar
yn gyru i'r Bylchau,
mynwn fy mod, a manau
hen ein serch draw yn nesau.

A bryn a dyffryn a dôl yn dywyll
yn dawel ryfeddol;
a'u llun, a rhyw ias grasol
heddyw'n wir a ddaw yn ôl.

Ac yn y càr y siarad, a'r englyn
o sydyn osodiad,
neu rimyn hurt, er mwynhad,
"Pum gronyn mewn pomgranad."

Y nos awn o Lansanan yn hwyr iawn,
ond rhaid cael sefyllian
a lliw'r lloer, yn bell o'r llan,
ar y dŵr yn Rhyd'r'arian.