Chydig ar Gof a Chadw/Dr. Owen

Chydig ar Gof a Chadw

gan William Thomas Edwards (Gwilym Deudraeth)

DR. OWEN, LAWRENCE ROAD, LERPWL.

Y TRWYADL Ddoctor Owen,—hefo'i ddull
Rhoes foddhad i'm hawen;
Galluog feddyg llawen,
Rhag tranc i'r ieuanc a'r hen.

Dyn gŵyl wedd, dyn goleu wallt,—o mor rydd
Yw'r Gymraeg mae'n dywallt;
Dyn hynod yw yn ein dallt
Hefo loesau, fel Isallt.

Heb lawer o boen, heb lŵon—rhwymodd
Fi yn rymus ddigon;
Mor hyderus, mor dirion,
Rhoes fy mraich ar draws fy mron.

Cu fu ei swydd, cefais i—ei hysgwyd
Er i'm hesgyrn dorri;
Braich union i'm hadlonni
Heb wall fel y llall yw hi!

A fo yn wael heb fwyn wên—neu yn brudd
Dan boen braich neu asen;
Aed treied Doctor Owen,—
Mawr yw clod y Cymro clen

Nodiadau