Chydig ar Gof a Chadw/Seindorf Frenhinol Oakeley

← Y Niwl Mawr, Tach., 1905

Chydig ar Gof a Chadw gan William Thomas Edwards (Gwilym Deudraeth)

Y Sêt Fawr →

SEINDORF FRENHINOL OAKELEY,
Blaenau Ffestiniog.

"RHWYGWCH yr awyr, hogiau,"—medd calon
"Ianoron" fwyn eiriau;
Mae rhinwedd mâd eich tadau
O hyd yn bod yn y bau.

Chwi a'u rhwygwch a rhagor,—â chu sain
Chwi swynwch eich goror;
Ac wrth gipio pob gwobor,
Ychwaneg gewch o en—cor.

Fe raid i gof redeg am—yr hen Fand,
I drin ei fedd dinam;
Cofio'r hen gorn—corn mawr cam,
Yn nwylo Owen William.

Swynol drydar drwy'r Marian—wnai yr "hen
Lanrwst" a'i gorn bychan!
Byddai'r boblog—fryniog fro,
Yn leicio clywed clecian.

Hogiau annwyl, di-gynen—fo eich Band,
Cofiwch byrth elusen;
Ar rialtwch byddwch ben,
A chwaraewch i'r awen.

Heblaw rhwygo'r gororau,—ewch rhagoch
I rwygo calonnau;
Pwy o flaen Band y Blaenau
Ddeil o hyd heb feddalhau?

Difyr ryddid fo'r eiddoch,—Oakeley Band,
Yn cael bendith fyddoch;
Dyma 'nghyfan am danoch
I gyd yn glyd yn y "Gloch."