Clodforaf fì fy Arglwydd Iôn

Mae Clodforaf fì fy Arglwydd Iôn yn emyn gan Edmwnd Prys (1544 - 1623)

Clodforaf fì fy Arglwydd Iôn,
O'm calon ac yn hollol;
Ei ryfeddodau rhof ar led,
Ac mae'n ddyled eu canmol.

Byddaf fi lawen yn dy glod,
Ac ynot gorfoleddaf;
I'th enw ; O Dduw ! y canaf glod,
Wyt hynod, y Goruchaf.

Gwna'r Arglwydd hefyd hyn wrth raid,
Trueiniaid fe'u hamddiffyn;
A noddfa fydd yr rhain mewn pryd,
Pan fo caledfyd arnyn

A phawb a'th edwyn, rhônt eu cred,
A'u holl ymddiried arnat;
Cans ni addewaist, Arglwydd, neb
A geisio ei wyneb atat.