Cofia'n gwlad, Benllywydd tirion
| ← Arglwydd Dduw teuluoedd Israel | Cofia'n gwlad, Benllywydd tirion gan Howell Elvet Lewis (Elfed) |
Molwn Di, O! Dduw ein tadau → |
| Mynegai Llyfr Emynau y Methodistiaid Calfinaidd a Wesleaidd 1930 |
718[1] Gweddi dros ein Gwlad
87.87. 67.
COFIA'N gwlad, Benllywydd tirion,
Dy gyfiawnder fyddo'i grym:
Cadw hi rhag llid gelynion-
Rhag ei beiau'n fwy na dim:
Rhag pob brad, nefol Dad,
Taena d'adain dros ein gwlad.
2 Yma mae beddrodau'n tadau,
Yma mae ein plant yn byw;
Boed pob aelwyd dan dy wenau,
A phob teulu'n deulu Duw:
Rhag pob brad, nefol Dad,
Cadw Di gartrefi'n gwlad.
3 Gwna'n Sabbathau'n ddyddiau'r nefoedd,
Yng ngoleuni d'eiriau glân;
Dyro'r gwlith i'n cymanfaoedd—
Gwna ein crefydd fel ein cân:
Nefol Dad, boed mawrhad
Ar d'efengyl yn ein gwlad.
—Howell Elvet Lewis (Elfed)
Ffynhonnell
[golygu]- ↑ Emyn rhif 718, Llyfr Emynau y Methodistiaid Calfinaidd a Wesleaidd 1930