Dail y Dderwen/Gwynt yr Hydref

← Mai

Dail y Dderwen gan William J Richards

Y ddeilen olaf →

GWYNT YR HYDREF

Mewn rhwysg bu'n traws feddiannu'r cwm
(Un beiddgar yw erioed),
A chwythodd a'i anadliad trwm
Y dail oddi ar y coed.

Dirmygodd geinder gwanwyn drud,
Llurguniodd wisg yr haf,
O'i ôl 'r oedd y diffeithwch mud
A chwarddodd yntau 'n braf.

Ond, ai edifar ganddo ef
Ddinistrio popeth tlws?
Daeth â thor-calon yn ei lef
I grio at fy nrws.