Dail y Dderwen/Llwybrau'r hen Allt Fawr

Dail y Dderwen

gan William J Richards

LLWYBRAU'R HEN ALLT FAWR

Wrth gofio llwybrau'r hen Allt Fawr
A Phompren Henri yn y pant,
Búm drosti ganwaith, af yn awr
Wrth gofio llwybrau'r hen Allt Fawr.

Dros borfa'r Hengwm, serth ei bron,
I lawr ar ras, a dringo'n ôl;
Caf eto'r hen ddiddanwch llon
Ar borfa'r Hengwm, serth ei bron.

Os gwag yw'r hen Gwm Byr ers tro,
Fe af drwy'r Henfaes yn ddi-oed,
Paradwys ydyw hedd y fro,
A'r hen Gwm Byr yn wag ers tro.

Pan gofiwyf lwybrau'r hen Allt Fawr
Na sibrwd air na'm dilyn gam,
Caf gwmni'r hen gwmpeini'n awr
Pan gofiwyf lwybrau'r hen Allt Fawr.

Nodiadau