Dail y Dderwen/Unigrwydd

Dail y Dderwen

gan William J Richards

UNIGRWYDD

Hedfanodd wrtho 'i hun yn unig, druan,
Trwy yr changder i'r pellterau draw,
Ac a'i fedrusrwydd llywiai 'i beiriant buan
I wneud yn union fel y mynnai'i law;
Fe groesodd dros fynyddoedd ucha'r cread
Uwchlaw pob cwmwl, wrth oleuni'r lloer,
Cafodd fodlonrwydd diwall i'w ddyhead
Heb ofni hinsawdd y pegynau oer.
Torrodd ei briffordd drwy yr annherfynol
O gyrraedd daear a'i thrybestod blin,
Heibio i holl amgyffred meddwl dynol
Mentrodd ar antur dros y pellaf ffin.
Aeth dae'r a sêr ymhell, bach oedd y rhod
I'r llychyn unig ar derfynau bod.

Nodiadau