Deuwch, bechaduriaid tlodion

← Pam, O! pam, bechadur cyndyn

Deuwch, bechaduriaid tlodion gan Joseph Hart wedi'i gyfieithu gan Dafydd Jones o Gaeo

Wele wrth y drws yn curo →

Mynegai Llyfr Emynau y Methodistiaid Calfinaidd a Wesleaidd 1930

304^[1] Gwahoddiad at Grist.
87.87. 47.

1 DEUWCH, bechaduriaid tlodion,
Clwyfus, cleifion, o bob rhyw;
Crist sy'n barod i'ch gwaredu,
Llawn tosturi yw Mab Duw:
Nac amheuwch,
Abl ac ewyllysgar yw.

2 Rai anghenus, dewch a chroeso,
I gael rhoddion Duw yn rhad;
Cewch wir ffydd ac edifeirwch,
A phob gras yn ddinacâd;
Dewch heb arian,
Prynwch gan yr Iesu'n rhad.

3 Dewch, flinderog a thrwmlwythog,
Trwy y cwymp gadd farwol friw;
Os arhoswch nes eich gwella,
Byth ni ddeuwch yn eich byw :
Pechaduriaid,
Nid rhai cyfiawn, eilw Duw.

Joseph Hart
Cyf: Dafydd Jones o Gaeo

Ffynhonnell

1. Emyn rhif 304, Llyfr Emynau y Methodistiaid Calfinaidd a Wesleaidd 1930