Diliau Meirion Cyf II/i Syr R W Fychan, Bart, Nannau, 1824

← i'r diweddar Mr David Williams, Brithdir

Diliau Meirion Cyf II

gan Morris Davies (Meurig Ebrill)

ENGLYNION
I Syr R. W. FYCHAN, Bart., Nannau, 1824.

Y Beirddion doethion hyd arch,—ymreswch
I 'mryson cyd gyfarch;
Syr Robert sy ŵr hybarch,
Teilyngydd beunydd o barch.

Mynwesawl gymwynasydd,—hoff anwyl.
A phenaeth Meirionydd;
Taener ar led y gwledydd,
Ei glod ef fel goleu dydd.

Gwladgarwr gloyw—deg eirioes—a difalch
Bendefig mwyneidd—foes,
Blaenor tirion ferth—lon foes
Tirionaidd, trwy ei einioes.

Am weithydd pawb ymwthiant,—i Nannau
Yn union y rhedant;
Croesaw maith a gwaith a gant
Yn fwynaidd pan ofynant.

Yn Nannau, prif fan enwog,—ugeiniau
O genhedl y marchog
Fo'n tario tra cano côg,
Fel duwiau yn flodenog.

Asgre lan Fychan a fo—yn barchus
Iawn berchen ar hono;
Cawr seddawg hir oes iddo,
Yn Nannau fraisg nen y fro.

Nodiadau