Drysau Eraill/Alwen hoff

Drysau Eraill

gan Robert Hughes Jones

I
PORTH YR AWEN

ALWEN HOFF.

RHEDAF atat unwaith eto,
Alwen hoff.
Mwyn yw rhodio ar dy lennydd,
Eistedd wrth dy lynnau llonydd;
Bron nad wylwn o lawenydd,
Alwen hoff.

Mwy wyt ti na'r holl afonydd,
Alwen fach.
Credwn gynt yn nyddiau mebyd
Nad oedd hafal it drwy'r hollfyd,
Afon fawr wyt heddyw hefyd,
Alwen fach!

******
Treuliais fore mewn cyfaredd
Ar ei glan.
Canai'r adar ar y bryniau,
Canai'r awel yn y cangau,
Canai'r afon—canwn innau
Ar ei glan.

Nid oedd llaid na phyllau aflan
Yn ei lli.
Graean mân a cherrig gwynion
Welais i yng ngwely'r afon.
O, na allswn olchi 'nghalon
Yn ei lli.

Nodiadau