Drysau Eraill/Y bedd a'r blodyn

Drysau Eraill

gan Robert Hughes Jones

Y BEDD A'R BLODYN.

YM mynwent Dwygyfylchi
Mae beddrod bychan, tlws.
Y môr o draw yn süo;
A Phenmaen Bach yn gwylio
Y beddrod tawel, tlws.

Ac ar y bedd mae blodau—
Rhosynnau coch a gwyn.
Nid blodau wedi'u torri,
Ond blodau byw yn tyfu,
Gan berarogli'r glyn.

Pan ddelo'r dydd i minnau
I huno mwy mewn hedd,
Mi garwn allu credu
Y bydd rhosyn bach yn tyfu
Yn dawel ar fy medd.