Ffrwythau Dethol/Cân y byddar

Ffrwythau Dethol

gan Ben Davies, Pant-teg

golygwyd gan Tom Eirug Davies

CÂN Y BYDDAR.

Os na chlywaf gân yr adar
Yn y llwyn ar ben y talar,
Clywaf ryw aderyn tirion
Eto'n canu yn fy nghalon.

Os wy' 'mhell oddi wrth y gornant
Sydd yn canu yn y ceunant,
Llifa ffrydlif dyfroedd tirion.
Beunydd yn nyfnderau 'nghalon.

Ni chaf yma groesi'r Coedca,
Na chael dringo i'r Bryn Isa;
Ond fe chwyth eu mwyn awelon
Beunydd yn nyfnderau 'nghalon.

Prin yw'r dydd yn nhawch y ddinas,
Prin yw'r haul a'i fwyn gymwynas,
Ond daw dydd a haul yn gyson
Yn oleuni yn fy nghalon.

Nodiadau