Gardd Eifion/Dafydd Ionawr a G Owen

Gardd Eifion

gan Robert Williams (Robert ap Gwilym Ddu)

golygwyd gan William Williams (Caledfryn)

DAFYDD IONAWR a GORONWY OWEN.

Gwybydded y ddarllenydd mai ar gyfer yr un amser o'r flwyddyn y ganwyd Mr D. Richards a Mr G. Owen, sef yn mis Ionawr; a dyna yr achos iddo gyfenwi ei hun yn Ddafydd Ionawr, &c hyny y dywedai R. ab Gwilym Ddu fel y canlyn:

Caed blodau gorau ac aeron—gynau,
Yn ein Gwynedd ffrwythlon,
Ganwyd Ionawr mawr Meirion
Yr un mis a Gronwy Mon.

Dywedwyd fal hyn ar ol Mr Gronwy Owen, herwydd na wyddis yn sicr yn mha le y claddwyd ef; rhai a ddywedant mai yn Llan Andreas, Virginia; ereill a wrthddywedant hyny;—ac felly methwyd a chael iawn wybodaeth hollol, er maint a ymholwyd am y lle mae yn gorwedd, hyd yn hyn.

Am Gronwy mawr rinwedd—Mon a geir
Mewn garwaf ddihunedd;
Yno coffeir ei anedd;
Ow! 'mha fan y mae ei fedd?

Nodiadau