Gardd Eifion/Yn y dydd y bwytai o hono

Gardd Eifion

gan Robert Williams (Robert ap Gwilym Ddu)

golygwyd gan William Williams (Caledfryn)

"YN Y DYDD Y BWYTAI O HONO."

Y gosb ddaeth arnom i gyd,—gwae a marw
Gymerodd le'r bywyd;
A mwy rhyfedd, marw hefyd
O'i boen fywhaodd y byd.

Os angau caeth, ddaeth ryw ddydd,—yn Eden
Niweidiawl yn gerydd,
O dir gwae, yn dragywydd,
Angau'r groes a'n rhoes yn rhydd.