Gemau Doethineb/Y Rhagymadrodd

Gemau Doethineb

gan John Jones (Ioan Eifion)

Y RHAGYMADRODD.

Fy mryd penaf wrth gyhoeddi hyn o lyfryn yw, gosod o flaen yr ieuenctyd y cyfryw amrywiaeth seigiau, fel y caffo pob un ryw beth i'w foddloni; eithr gofalu na chaffo neb ddim a fo niweidiol—eu boddhau, hyd y gallwn, gan ochel pethau anhyfryd a diles. Credwyf fod ynddo agos gymaint o amrywiaeth materol ag sydd o wahanol feddylfrydau yn mysg fy nghydwladwyr. Ni wrthodwn ddim ag a dybiwn yn ddefnyddiol oherwydd iddo ymddangos hyd yn nod mewn ieithoedd ereill, llai o lawer y diystyrwn y doethineb sydd briodor i'n hiaith ni ein hunain. Caffed y darllenydd ieuanc addysg fuddiol, ac ni phryderwn ormod yn nghylch y ffynon—dyna fy nôd o'r dechreu i'r diwedd.

Ydwyf, anwyl gydwladwyr, yr eiddoch,

IOAN EIFION

Nodiadau