Geraint ac Enid a Chaniadau Eraill/Dr John Thomas
| ← Elis Wyn o Wyrfai | Geraint ac Enid a Chaniadau Eraill gan Jonathan Machreth Rees |
Herber → |
Y PARCHEDIG JOHN THOMAS, D.D.
O LOES drom—Doctor Thomas—yn ei fedd!
Un fu cyd dan urddas
Di-ddynwared ddawn eirias,
Yn ddewr, gryf gyhoeddwr gras.
Ow, siomedig symudiad!—rhy anodd
I fron friw ei ddirnad!
Rhoi dan len Solon enwad!
Rhoi clo glyn ar oracl gwlad!
Gwelw iawn ydyw Gwalia heb—un a fu
Iddi'n fab doethineb;
Arwyddol yw ei grudd wleb
O lawnder ei ffyddlondeb.
Ymroai mewn mawr awydd—dwyn ei oes
Dan iau moes a chrefydd;
Mawrha haf-feib "Cymru Fydd"
Holl dwym eiriau Lladmerydd.
O fy Nhad pe'm llefain i—wnai y tro
Mewn trefn it gyfodi,
Dolefwn, wylwn ddŵr heli,
O fodd hyd wawr ar dy fedd di!