Geraint ac Enid a Chaniadau Eraill/Emyn Priodas
| ← Cyfaill y Trawd wyt Ti | Geraint ac Enid a Chaniadau Eraill gan Jonathan Machreth Rees |
Hervé Riel → |
EMYN PRIODAS.
MEWN priodas gynt yng Nghana.
Buost, Iesu mawr, dy Hun;
Rho Dy bresenoldeb yma
Lle y rhwymir dau yn un.
Uno'r dwylo yn ol defod
Hardd Dy eglwys a wnawn ni;
Ond sancteiddio y cyfamod
Wna Dy bresenoldeb Di.
O'th foddlonrwydd daw cysuron
A dedwyddwch yn y byd,
A Dy gariad yn y galon
Geidw serch yn bur o hyd.
Dysg hwy'n dyner iawn i feithrin
Teg rasusau ar y daith;
Yn eu cartref bydd yn Frenin,
Hwythau'n ffyddlon yn dy waith.
Aros, Iesu, gyda'r ddeuddyn,
Dyro iddynt nawdd dy Groes;
A'th dangnefedd fo'n eu dilyn
Tra parhâo dyddiau'u hoes.