Geraint ac Enid a Chaniadau Eraill/Gorseddu Dyfed yn Archdderwydd

← Yng Ngorsedd Eisteddfod y Rhyl

Geraint ac Enid a Chaniadau Eraill gan Jonathan Machreth Rees

Telyn Cymru →

GORSEDDU DYFED YN ARCHDDERWYDD, 1906.

"YNG ngwyneb haul" dringai'n Pen—i'w "Faen Llog"
O fewn llys Ceridwen;
Teyrn newydd tirion Awen
Ddaeth mewn hedd i'w orsedd wen.

Rhodd ei lw i feirdd ei wlad—y dilesg
Geidw'u hawliau'n wastad;
Ar ei faen mae'n brif ynad
I weini deddf—ac yn Dad.

Er mwyned yw llyw'r meini,—iddo ef
Ufuddhawn heb goegni,
Neu daw'n drom iawn arnom ni
Fedwen Dyfed i'n dofi.