Geraint ac Enid a Chaniadau Eraill/Palmwydd a Helyg
| ← Cân y Forwynig | Geraint ac Enid a Chaniadau Eraill gan Jonathan Machreth Rees |
Cyfaill y Trawd wyt Ti → |
PALMWYDD A HELYG.
AR lechwedd amlwg, palmwydd teg
Ddyrchafent frig yn hy,
Ac ar eu cangau beilchion hwy
Yr haul dywynnai'n gry'.
Ond min yr afon yn y pant
Oedd mangre'r helyg prudd,
A'u dail a blygent at y dŵr
I wylo drwy y dydd.
Holl brennau'r goedwig roddent le
I'r palmwydd praff eu bri;
Ond taenent eu cysgodion dros
Yr helyg ger y lli.
Cai cangau'r palmwydd harddu llys
A llwybrau clod a ffawd;
Ac uchaf swydd yr helyg oedd
Dal telyn fud y tlawd.
O fewn y Babell, Llys yr Ior,
Ar ddydd yr uchel ŵyl,
Yn ymyl cangau'r palmwydd tàl
'Roedd lle i'r helyg gŵyl.
Nid palmwydd llydain heulog fryn.
Yn unig gofia'r Nef,
Yr helyg prudd sy'n byw'n y pant
Arddelir ganddo Ef.