Goleuni ac anfeidrol rym
| ← Disgynned y sanctaidd dywalltiad | Disgynned y sanctaidd dywalltiad gan William Williams, Pantycelyn |
Mor gu, O Arglwydd, gennyf fi → |
| Mynegai Llyfr Emynau y Methodistiaid Calfinaidd a Wesleaidd 1930 |
274[1] Nerth trwy'r Gair.
M. C.
1 GOLEUNI ac anfeidrol rym
Yw hyfryd eiriau'r nen;
Pob sillaf a ddywedodd Ef
Sydd siŵr o ddod i ben.
2 Fe archodd imi dorri'r fraich,
A thynnu'r llygad de ;
Caf innau allu, mewn iawn bryd,
I wneud a archodd E'.
3 Mi ymddiriedaf yn ei air,
Er cymaint yw fy mai;
Ac fe derfynwyd dydd ac awr
Pan gaffwy' 'ngwir ryddhau.
4 Mi orfoleddaf draw o bell,
Wrth feddwl am y dydd
Pan ddêl addewid fawr ei grym
Â'm henaid gwan yn rhydd.
William Williams, Pantycelyn
Ffynhonnell
[golygu]- ↑ Emyn rhif 274, Llyfr Emynau y Methodistiaid Calfinaidd a Wesleaidd 1930