Gwaith Barddonol Glasynys Cyfrol II/Y rhosyn boreol

← Cathl yr ucher

Gwaith Barddonol Glasynys Cyfrol II gan Owen Wynne Jones (Glasynys) golygwyd gan Owen Morgan Edwards

Lleucu Llwyd →

Y RHOSYN BOREOL

RHOSYN yn yr ardd
Y bore ledai,
Ei flaguron hardd
Yr awel chwifiai;
Ond cyn hanner dydd
Gwywo wnaeth y rhosyn
Gwelwai'i ddullwedd blydd,
Doi 'i oes i'w therfyn.

Gwelwyd llawer un
Ym more einioes
Yn dra hardd ei lun,
Heb brofi trymloes;
Ond cyn nawn ei oes
Gwywai dan law angau,
Trengai mewn rhyw loes,
Darfod wnaeth yntau.