Gwaith Hugh Jones, Maesglasau/Edrych yma, edrych draw

← Arnat Iesu rhof fy mhwys, a'm hymddiried

Gwaith Hugh Jones, Maesglasau gan Hugh Jones, Maesglasau golygwyd gan Owen Morgan Edwards

Iachawdwr dynol ryw →

HYMN VI.
Pob gwrthddrych yn anheilwng o sulw a serch
yr Enaid, ond CRIST yn unig.

EDRYCH yma, edrych draw,
Ar y dde' a'r aswy law:
Etto ni wêl f'enaid trist,
Neb yn debyg i fy NGHRIST:
Nid oes gwrthddrych is y ne',
A'm gwir foddia ond Efe.

O na chawn i dreulio f'oes,
Yn myfyrio am ei groes!
Gwel'd yr IESU ar y pren,
Yn gogwyddo droswy'i ben;
Ac yn dweud "Gorphenwyd 'nawr,
Gwaith yr Iachawdwriaeth fawr."

Daccw'r IESU yn y bedd,
A marwolaeth ar ei wedd:
Daccw foreu'r trydydd dydd,
Pan ro'wd T'wysog nef yn rhydd:
Ni all ange' ei attal mwy;
Fe roes iddo farwol glwy.

Yn y nef y mae E'n awr,
Yn eiriol troswyf ar y llawr:
Pan bwy'n crwydro yma a thraw,
Dychwel fi yn ol â'i law:
Wedi i'm llygredd dynnu o'r gwraidd,
Dwg fi adref at ei braidd.