Gwaith Hugh Jones, Maesglasau/O tyn y gorchgudd yn y mynydd hyn

← Dysg imi Arglwydd gerdded

Gwaith Hugh Jones, Maesglasau gan Hugh Jones, Maesglasau golygwyd gan Owen Morgan Edwards

Arnat Iesu rhof fy mhwys, a'm hymddiried →

HYMN IV.

Gweddi am amlygiad o Ddioddefiadau CRIST,
a chymhwysiad o hono.

O TYN
Y gorchudd yn y mynydd hyn;
Llewyrched Haul Cyfiawnder gwyn,
O ben y bryn bu addfwyn OEN,
Yn dioddef dan yr hoelion dur,
O gariad pur i mi mewn poen.

P'le, p'le
Y gwna i fy noddfa dan y ne'?
Ond yn ei archoll dwyfol E;
Trwy bicciell gre' y waywffon
Agorwyd ffynnon i'm glanhâu;
Rwy'n llawenhâu fod lle yn hon.

Oes, oes
Rinwedde' a grym yng ngwaed y groes,
I lwyr lanhâu holl feiau f'oes:
Ei ddwyfol loes, a'i ddyfal lef,
Mewn gweddi drosof at y TAD,
Yw fy rhyddhad, a'm hawl i'r nef.

Golch fi
Oddiwrth fy meiau mawr eu rhi,
Yn afon waedlyd Calfari:
Sydd heddyw'n lli o haeddiant llawn:
Dim trai ni welir ynddi mwyį
Hi bery yn hwy na bore' a 'nhawn.

Pa bryd
Ca i ddifa'm hanwiredde i gyd,
A chongero Satan, cnawd, a byd?
Rho arfe o hyd yr yrfa hon,
Am f'enaid eiddil nos a dydd:
A dyro i'm ffydd dy air yn ffon.

Trwy ffydd,
Wel, treiddia ymlaen fy enaid prudd,
Er amled ydyw'r rhwystrau sydd,
O ddydd i ddydd i'th lwfrhâu:
Er bod y dyrus dir yn faith,
Mae pen y daith yn agoshâu.

Byw, byw
Yng nghymdeithas bur fy Nuw,
Fy nefoedd tra fwy yma yw:
A gadael pob rhyw chwant ar ol;
A cherdded llwybrau 'Mhriod cu,
Nes gorphwys fry byth yn ei gôl.