Gwaith Owen Gruffydd o Lanystumdwy/Dyma ffarwel

Gwaith Owen Gruffydd o Lanystumdwy

gan Owen Gruffydd, Llanystumdwy

DYMA FFARWEL.

Tri phennill o Ffarwel i Edward Williams o'r Gaerwen, a'i gywely, Cathrin Gruffydd.
Tôn,—" Mordog Scotland."

DYMA ffarwel di-gynfforddus,
Lwyr alarus, gofus gwyn,
Am rwydd gymydog, rodd gymodol;
Ai wraig weddol foddol fwyn;
Edward William rodiad hwylus,
A Chatrin Gruffydd, ddeunydd ddownus,
Dau bur heddychol ddichwen
A gerid yn y Gaerwen,
Llei ceid elusen lawen lês,
I'r rhain mae rhoddi ffarwel
Ein harfod megis oerfel
Ar ol isel dawel des.

Eu cymydogaeth odiaeth ydoedd
I bawb ar gyhoedd bybur gêd,
Ar ol eu diddan reol diddig
Cwyn oer lewyg cawn ar led;
Am garedigrwydd hyrwydd araeth,
Wych iawn hwylus, a chynhaliaeth
Dau hollawl bur i hwyllus,
Dda osgedd, rwydd ddi-esgus;
A'th les, anghenus fregus fron,
I'r Gaerwen fydda gyrchu
Pan welid nos yn nesu
I gael meddiannu llety llon.

Cwyno gwelwn, cawn a galar
Am wr di-somgar fwyngar fu,
Ai wraig hyfwyn rowiog hefyd
Araeth hyfryd yn ei thŷ;

A'u plant hoff anwyl, berwyl burion,
Arwydd grasol, oedd ddi—groesion
Rhoed Crist yn rhan y rheini
Dda rinwedd eu rhieni,
Miawn llawn ddaioni i'w hoffi'n hir,
Bo hylwydd eu bywoliaeth
Heb gurio a phob magwriaeth
Yn fawr eu toraeth ar eu tir.

Ffarwel, nid isel nod ysig,—yw'r cri,
Oera croes i'r unig
Am rodd dda ddwys rwydd ddi ddig,
Wych radol, a charedig

Bellach, rhan burach, rhown bwys—ein gofal
Yn gyfan i orffwys
Ar Dduw hyd ddydd deunydd dwys
Pur i rodio Paradwys.

Nodiadau