Hyfryd eiriau'r Iesu
| ← Mae yn y gair oleuni glân | Hyfryd eiriau'r Iesu gan Howell Elvet Lewis (Elfed) |
O! Arglwydd, dysg im chwilio → |
| Mynegai Llyfr Emynau y Methodistiaid Calfinaidd a Wesleaidd 1930 |
.jpg){kind=spacer}
279[1] Geiriau'r Iesu.
65. 65. D.
1 HYFRYD eiriau'r Iesu,
Bywyd ynddynt sydd;
Digon byth i'n harwain
I dragwyddol ddydd.
Maent o hyd yn newydd,
Maent yn llawn o'r nef;
Sicrach na'r mynyddoedd
Yw ei eiriau Ef.
2 Newid mae gwybodaeth
A dysgeidiaeth dyn;
Aros mae efengyl
Iesu byth yr un;
Athro ac Arweinydd
Yw Efe 'mhob oes;
A thra pery'r ddaear
Pery golau'r groes.
3 Wrth in wrando'r Iesu,
Haws adnabod Duw;
Ac wrth gredu ynddo
Mae'n felysach byw.
Mae ei wenau tirion
Yn goleuo'r bedd;
Ac yn ei wirionedd
Mae tragwyddol hedd.
Howell Elvet Lewis (Elfed)
Ffynhonnell
[golygu]- ↑ Emyn rhif 279, Llyfr Emynau y Methodistiaid Calfinaidd a Wesleaidd 1930