Llinell neu Ddwy/Dyffryn Maentwrog

Llinell neu Ddwy

gan John Jones (Ioan Brothen)

golygwyd gan John William Jones

DYFFRYN MAENTWROG

Maentwrog enwog annwyl, gorau fan
Garaf wyt fel preswyl
Olygus i gael egwyl
Ar orsedd gwir hedd a hwyl.

Ar frys awn i'r fro swynol—er edrych
Ar raeadrau nerthol;
Neu flodau fyrdd y ddifyr ddôl
A choed lennyrch adlonnol.

Ddwyryd laardd! hi a red hyd—ei waelod
Hyd wely tywodlyd;
A gwên heulwen am ennyd
Yrr ei gwedd fel aur i gyd.

O Faentwrog! fe anturiwn—i ddal
I ddweud hyd tra byddwn,
Nad oes wlad trwy'r cread crwn
Mwy swynol, neu mi synnwn.

Nodiadau