Llwyn Hudol/Merch y Morfa

Llwyn Hudol

gan Hugh Emyr Davies (Emyr)

XXX.
MERCH Y MORFA.

Merch y Morfa'n haner-clâf,
Lliw y gwmon ar ei grudd,
Ger ei chaban unig gáf
Yn cyniwair derfyn dydd.

Aeth y badwyr dros y lli',
Gyda'r llanw 'n llon i'w taith,
Enw Rhywun glywais i
Ar ei min, a'i grudd yn llaith.

Wedi'r ddrycin daeth y bâd
Dan ei greithiau'n ol i dir,
Cyflawn heno yw mwynhad
Serchog ddau dan awyr glir.

Unwaith etto ger y lli'
Nid yw'n ofni'r dòn a'i llid,
Enw Rhywun glywais i
Ar ei min, a'i grudd yn wrid.

Nodiadau