Mae'r iechydwriaeth rad
| ← Dyma Feibil annwyl Iesu | Mae'r iechydwriaeth rad gan Peter Jones (Pedr Fardd) |
Gras, O!'r fath beraidd sain → |
| Mynegai Llyfr Emynau y Methodistiaid Calfinaidd a Wesleaidd 1930 |
285[1] Iechydwriaeth Rad. M. B.
1 MAE'R iechydwriaeth rad
Yn ddigon i bob rhai;
Agorwyd ffynnon er glanhad
Pob pechod cas a bai.
2 Daw tyrfa rif y gwlith
Yn iach trwy rin y gwaed:
Pwy ŵyr na byddaf yn eu plith,
Yn lân o'm pen i'm traed?
3 Er lleted yw fy mhla,
Er dyfned yw fy mriw,
Y balm o Gilead a'm hiachâ-
Mae Crist yn Feddyg gwiw.
4 Dan bwys euogrwydd du,
Edrychaf tua'r groes,
Lle llifodd gwaed fy Mhriod cu:
Anfeidrol Iawn a roes.
Peter Jones (Pedr Fardd)
Ffynhonnell
[golygu]- ↑ Emyn rhif 285, Llyfr Emynau y Methodistiaid Calfinaidd a Wesleaidd 1930