Mae'r iechydwriaeth rad mor fawr

← Mi glywaf dyner lais

Mae'r iechydwriaeth rad mor fawr gan John Hughes, Pontrobert

Awn, bechaduriaid, at y dŵr →

Mynegai Llyfr Emynau y Methodistiaid Calfinaidd a Wesleaidd 1930

289^[1] Iechydwriaeth a'i Chyflawnder.
M. C.

1 MAE'R iechydwriaeth rad mor fawr,
Mae'n achub, mae'n glanhau
Troseddwyr duaf daear lawr;
Gwnawn ynddi lawenhau.

2 Cael derbyn o'i chyflawnder cun
A wna y trist yn llon;
Gogoniant Duw, dedwyddwch dyn,
Sydd yn gytûn yn hon.

3 Mae Iesu Grist yn drysor mwy
Na holl drysorau'r byd:
Daeth hedd a bywyd inni trwy
Ei ryfedd angau drud.

John Hughes, Pontrobert

Ffynhonnell

1. Emyn rhif 289, Llyfr Emynau y Methodistiaid Calfinaidd a Wesleaidd 1930