Manion/Bod

Manion

gan Thomas Gwynn Jones

BOD
(I J.T.J.)

Colli'r sŵn with Graig y Nos,
Clywed distawrwydd y rhos,
Mynd yn un bell ac agos.

Maen ar ei ben yn naear,
Haul gloyw ac awel glaear,
Byd heb drybestod na bâr.

Torlan a dwy gerddinen,
Bedwen gnapiog, eithinen,
A mwsogl aur ar graig wen.
Ffrwd fain fel tres o arian

Yn dolennu o'r marian,
A chronni'n llyn yn y fan.
Cael yno gynnil giniaw,
Diod ddŵr o gledr y llaw,
Ba waeth i ddyn beth a ddaw?

Beth fu ddoe, beth fory fydd,
Ba waeth sôn, wrth beth y sydd:-
Bywyn Bod yw bod beunydd.

1926.

Nodiadau