Manion/Hen Fynyddwr
< Manion
| ← Dynion | Manion gan Thomas Gwynn Jones |
Mater Dolorosa → |
HEN FYNYDDWR
(Sir Aberteifi)
Ganed ar ganol y mynydd,
Adnabu ddefaid ac ŵyn,
Corsydd a chreigiau, afonydd,
Rhedyn y bronnydd a'r brwyn.
Dim iddo wegi penadur
A chelwydd y gwleidydd croch―
Gwell oedd y salwaf creadur
A fagodd, o fyllt neu foch.
Gwelodd wyth deg o flynyddoedd,
A gonest, os tlawd, fuont hwy;
Ddoe, daeth i lawr o'r mynyddoedd,
Ac yno, ni ddychwel mwy.
1916.