Mi glywaf dyner lais

← Mae llais efengyl fwyn

Mi glywaf dyner lais gan Lewis Hartsough wedi'i gyfieithu gan John Roberts (Ieuan Gwyllt)

Mae'r iechydwriaeth rad mor fawr →

Mynegai Llyfr Emynau y Methodistiaid Calfinaidd a Wesleaidd 1930

288^[1] Iesu'n Gwahodd.
.M.B.^[2]

1 MI glywaf dyner lais
Yn galw arnaf fi,
I ddod a golchi 'meiau i gyd
Yn afon Calfari.

2 Yr Iesu sy'n fy ngwadd
I dderbyn gyda'i saint
Ffydd, gobaith, cariad pur, a hedd,
A phob rhyw nefol fraint.

3 Yr Iesu sy'n cryfhau
O'm mewn ei waith trwy ras;
Mae'n rhoddi nerth i'm henaid gwan
I faeddu 'mhechod cas.

4 Gogoniant byth am drefn
Y cymod a'r glanhad;
Derbyniaf Iesu fel yr wyf,
A chanaf am y gwaed.

Lewis Hartsough
Cyf. John Roberts (Ieuan Gwyllt)

Ffynhonnell

1. Emyn rhif 288, Llyfr Emynau y Methodistiaid Calfinaidd a Wesleaidd 1930
2. Does dim gytgan yn Llyfr Emynau'r ddwy gymanfa Methodistaidd, ond mae'r emyn yn fwyaf gyfarwydd gyda'r gytgan
   Arglwydd, dyma fi
   Ar dy alwad di,
   Canna f'enaid yn y gwaed
   A gaed ar Galfari.