Molwn Di, O! Dduw ein tadau

← Cofia'n gwlad, Benllywydd tirion

Molwn Di, O! Dduw ein tadau gan Eliseus Williams (Eifion Wyn)

→

Mynegai Llyfr Emynau y Methodistiaid Calfinaidd a Wesleaidd 1930

719^[1] Molwn Di, O! Dduw ein Tadau
87.87. D.

1 MOLWN Di, O! Dduw ein tadau,
Uchel ŵyl o foliant yw;
Awn i mewn i'th byrth â diolch,
Ac offrymwn ebyrth byw;
Cofiwn waith dy ddwylaw arnom,
A'th amddiffyn dros ein gwlad;
Tithau, o'th breswylfa sanctaidd,
Gwêl a derbyn ein mawrhad.

2 Ti â chariad Tad a'n ceraist
Yn yr oesoedd bore draw;
O dywyllwch i oleuni
Y'n tywysaist yn dy law;
Cawsom Di ym mhob cenhedlaeth
Fel dy enw'n gadarn Iôr;
Cysgod gwell na'r bryniau uchel,
Ac na chedyrn donnau'r môr.

3 Cudd ni eto dan dy adain,
A bydd inni'n fur o dân,
Tywys Di ein tywysogion,
Megis cynt, â'th Ysbryd Glân;
Pâr i'n cenedl annwyl rodio
Yn dy ofn o oes i oes,
Gyda'i ffydd yng ngair y cymod,
Gyda'i hymffrost yn y groes.

—Eliseus Williams (Eifion Wyn}

Ffynhonnell

1. Emyn rhif 719, Llyfr Emynau y Methodistiaid Calfinaidd a Wesleaidd 1930