Mor gu, O Arglwydd, gennyf fi

← Disgynned y sanctaidd dywalltiad

Mor gu, O Arglwydd, gennyf fi gan Edmwnd Prys

Fy lloches glyd, a'm tarian gref →

Mynegai Llyfr Emynau y Methodistiaid Calfinaidd a Wesleaidd 1930

275^[1] SALM CXIX. 97, 102-3, 105-6, 135-6, 169-170
M. S.

1 MOR gu, O Arglwydd, gennyf fi,
Dy ddeddf Di, a'th gyfamod;
Ac ar y rhain, o ddydd i ddydd,
Y bydd fy holl fyfyrdod.

2 Ni chiliais rhag dy farnau Di,
Cans Ti a'm dysgaist ynddynt;
Mor beraidd gennyf d'eiriau iach—
Na'r mêl melysach ydynt.

3 Dy air i'm traed i llusern yw,
A llewych gwiw i'm llwybrau;
Mi dyngais, a chyflawni a wnaf,
Y cadwaf dy lân ddeddfau.

4 Llewycha d'ŵyneb ar dy was,
Dysg imi flas dy ddeddfau;
Dagrau o'm golwg llifo a wnânt,
Na chadwant dy gyfreithiau.

5 O'th flaen Di, Arglwydd, doed fy nghri,
Dysg imi ddeall d'eiriau;
Gwared fi'n ôl d'ymadrodd rhad,
Dêl atad fy ngweddiau.

Edmwnd Prys

Ffynhonnell

1. Emyn rhif 275, Llyfr Emynau y Methodistiaid Calfinaidd a Wesleaidd 1930