Murmuron Awen/Anerchiad Priodasol

Murmuron Awen

gan Robert Roberts (Gwaenfab)

Anerchiad priodasol.
I Mr. Thomas Humphreys, Henblas, Bala, ar yr amgylchiad
o'i briodas a Miss Grace Owen, Hendre, Cefnddwysarn.

WEL, Tomos, daethost dithau—i'r adwy
Lle rhwydir cariadau;
A'i dawn, rhoes Grace gadwynau,
Am ei dyn i rwymo dau.

Henffych ddydd, ddedwydd adeg,—yr uniad
Gyda'r eneth landeg;
Trysor uwch pob gwyddoreg
Yw rhin a dawn rhian deg.

Ti gefaist trwy ornest gyfiawn—law merch
Ail i'w mham gariadlawn;
Creu hedd wna'i dullwedd a'i dawn,
Wna'r aelwyd yn gysurlawn.

Boed ichwi ddibaid iechyd,—a gyrfa
Deg hirfaith o wynfyd;
Dau'n cydyw heb dinc adfyd,
Na seiniau croes ond swn cryd.

Nodiadau