Murmuron Awen/Pregeth Goeg-wyddonol

Murmuron Awen

gan Robert Roberts (Gwaenfab)

Pregeth Goeg-wyddonol.

OEDFA i ddyfnhau f'adfyd, —Ow! ddunos
Gwyddoniaeth gymysglyd!
Oedfa o hir galedfyd,
Anial gwag a niwli gyd.

Af inau, er mwyn fy enaid,—allan,
Fe ddallodd fy llygaid;
Dyma d'w'llwch, llwch, a llaid!—
Darwin i bechaduriaid.

O am beth o'r hen bregethau,—y ddawn
All ddenu eneidiau,
A chul gell, a chlo i gau,
Gwyddonwyr y gau—ddoniau.

Ble mae'r hen, yr hen hanes—am y groes
Ac am Grist yn lloches—
Mawrhydi heb ddim rhodres,
Dihafal rym dwyfol wres?

Nodiadau