Murmuron Awen/Y Ty Tafarn

← Canu oer

Murmuron Awen gan Robert Roberts (Gwaenfab)

Y fodrwy aur →

Y Ty Tafarn.

Y'R gwr a gar gwrw,—ty'r yfed,
Ty rafio a thwrw,—
Ty rhwyg a llid, rheg a llw,
Uchel helynt chwil ulw.

Ty am loddest ymladdwyr—afradlon
Hyfrydle troseddwyr,
Ty euog hil taeog wyr,
A nefoedd i hen yfwyr.

Ty y taerwr, ty y twrw—tryflith,
Cartrefle y meddw,―
Ty eu nâd anynad nhw,
Hen oferwyr fyn farw.

Ty i fariaeth gwyllt oferedd—malldy
Pob melldith a chabledd,
A lle di waith, hyll di hedd,
Twyll a hagrwch,—twll llygredd.